Ատամների եւ լնդերի խնամք
Շաքարախտով մարդկանց մոտ լնդերի հիվանդությունները զարգանում են երկու անգամ հաճախ, քան այդ հիվանդությամբ չտառապող մարդկանց մոտ։ Լնդերի բորբոքային և ինֆեկցիոն հիվանդությունները հնդիսանում են շաքարախտի բարդություններից մեկը։ Հայտնի են վիճակագրության տվյալները, ըստ որոնց շաքարախտով տառապող մարդկանց գրեթե մեկ երրորդը լուրջ պարոդոնտալ հիվանդություններ1 ունի։ Պարբերաբար կանխարգելիչ հետազոտությունները ատամնաբույժի մոտ և լավ ատամնաբուժական խնամքը կարող է օգնել կանխելու ատամնաբուժական խնդիրները։
Հնարավոր խնդիրներ
Բացի կարիեսից և լնդերի հիվանդություններից, շաքարախտով տառապող մարդկանց մոտ հաճախակի հանդիպում են հետևյալ հիվանդությունները․
Կաթնախտ (բերանի խոռոչի կանդիդոզ) — դա բերանի խոռոչի լորձաթաղանթների սնկային վարակ է, որի դեպքում լեզվի վրա առաջանում են սպիտակ և կարմիր բծեր։ Դրանք կարող են ուղեկցվել բերանում ցավոտ կամ այրվող զգացողությամբ։ Կաթնախտը կարող է առաջանալ թքի մեջ շաքարի պարունակության աճից։ Որպես բուժում ատամնաբույժը կարող է նշանակել Ձեզ հակասնկային դեղամիջոցներ2։
Բերանի չորությունը (քսերոստոմիա) կարող է անհանգստություն առաջացնել և հանգեցնել վարակիչ հիվանդությունների կամ կարիեսի։ Կարիեսը կանխելու համար ատամնաբույժը կարող է նշանակել թքի արհեստական փոխարինող կամ ֆտորիդով բուժում:
Լնդերի հիվանդությունների կանխարգելում
Լնդերի հիվանդությունները կարելի է կանխել։ Առողջ ատամներ և լնդեր ունենալու համար հետևեք հետյալ խորհուրդներին3․
- Հայտնեք ձեր ատամնաբույժին ան մասին որ դուք շաքարախտ ունեք
- Օրեկան երկու անգամ լվացեք ձեր ատամները ֆտորային ատամի մածուկով
- Ամեն օր մաքրեք ատամները ատամի թելով
- Պարբերաբար այցելեք ատամնաբույժին կանխարգելիչ զննման համար
- Հավասարակշռեք ձեր սննդակարգը
- Ձեր արյան շաքարի մակարդակը վերահսկողության տակ պահեք։
Երբ է անհրաժեշտ դիմել ատամնաբույժին
Հետևյալ ախտանիշների առաջացման դեպքում Ձեզ անհրաժեշտ է դիմել ատամնաբույժին2․
- Լնդերի արյունահոսականություն
- Լնդերի կարմրություն, ուռածություն և փխրունություն
- Ատամների և լնդերի միջև ազատ խոռոչների առաջացում
- Բերանից մշտական տհաճ հոտ կամ տհաճ համ բերանում
- Թուլացած ատամ կամ կծելու զգացողության փոփոխություն
- Փոփոխություն ատամնաշարի և ատամների համապատասխանության մեջ։
1 Американская Диабетическая Ассоциация. Осложнения диабета в США. Источник: http://www.diabetes.org/living-with-diabetes/complications/
2,3 Американская Диабетическая Ассоциация. Диабет и гигиена полости рта. Источник: http://www.ada.org/en/~/media/ADA/Publications/Files/For_the_Dental_Pati...